Agri & Allied Department ajanga FOCUS sentong ayongzüka agi

Dimapur, Rongchii 12 (TYO): Agri & Allied Department ajanga Rongchii (April) 12, 2018 nü Capital Convention Centre, Kohima nung ‘Fostering of Climate Resilient Upland Farming System in North East’ Project-Nagaland (FOCUS) shisatokden sentong ka ayongzüka agi.
State Project Director, FOCUS ajanga FOCUS nung keta alibatem indang jembia liasü. Iba project ajanga Nagaland nung aluyimertem tzümopung den apet alu ayimba nung yarir aser state nung ali rongsen anguba nungi nisung taküm liyonga aotsü asoshi lenmang sayur, ta State Project Director-i ashi.
FOCUS-i akhi mapang nungi amshia aruba aluyimba yimya, tokong lu ayimba nungi tali tajangzük angutsü asoshi yarir aser yimtsüng nung kiset shiruru renlokdaktsüba nunga yarir, ta lai shisem.
Kasa sentong nung Principal Secretary aser APC, T. Imkonglemba Ao, IAS-i FOCUS indang website sayatsü. Iba shisatokden sentong nung FOCUS indang Project Design, Project Management aser Project Coordination amala onüktem jembia liasü.
FOCUS indang project tem nem senotsü teyari ya International Fund for Agriculture Development (IFAD) ajanga agütsür.