Nagaland Inter district U-23 cricket asayamung osang

Dimapur, Rongchii 12 (TYO): Nagaland Cricket Association ajanga ayongzüka NCA Stadium, Sovima nung tang tasayadak U-23 Inter district cricket asayamung nung tanü Dimapur district ajanga Mon district madak runs 158 agi akok aser tzünglu agi timtem agütsüba sülen tanabuba asaya nung Zunheboto district-i runs 10 agi Peren district akok.
Mezüng asaya nung Dimapur teloki toss akok aser mezüng batting asütsü shimtet.
Dimapur teloki over 25 nung wicket 5 out süa runs 210 yanglutet. Dimapur district nungi asayar Sedezalie-i runs 54 aser Puchu-i runs 44 yanglutet.
Mon district nungi asayar Ating aser Phakayu nati wicket ana-na agia liasü.
Tanabuba innings nung Mon nungi asayartem ya over 16.5 nung runs 52 dang yanglur ajak out asü. Par telok nungi Rahul-i runs 15 yanglutet.
Iba inning nung Dimapur district nungo Akavi-i wicket pezü, Chiranjeevi-i wicket ana, Nagaho, Imlikaba aser Tahmeed nungeri wicket kaka agitet.
Tanabuba asaya nung Zunheboto district-i toss akok aser mezüng batting shimtet.
Par telok ya overs 8 nung wicket asem out asü aser runs 59 yanglutet. Zunheboto district nungi Harsh-i runs 21 aser Bokuto-i runs 12 yanglutet. Iba inning nung Peren nungi Anju, Raja aser Haichanu nungeri wicket kaka agitet.
Tanabuba inning nung Peren district nungi asayartemi overs 8 nung wicket pezü tashi out süa runs 49 yanglutet. Par telok nungi Mayank-i runs 19 agiteta liasü.
Zunheboto district nungi Shubam-i wicket ana agitet aser par teloki runs 10 agi akok.