CWG: India nunger Wrestler ajaki medal nguogo

Gold Coast, Australia nung Commonwealth Games 2018 teburtem seret 57 telemsa freestyle werstling nung India nunger Rahul Aware-i Canada nunger Steven Takahashi madak takok anguba sülen linük wako amer pelaba noksa nung angur.

Gold Coast, Rongchii 12 (Agencies): 2018 Commonwealth Games asayamung wrestling tetoktepba mezüngbuba anogo nung India nungi asayar pezüpronglai medal ngua liasü. Sushil Kumar (75kg) aser Rahul Aware (57kg) nati gold medal angu aser tetsür tetoktepba nung India tsür Babita Kumari-i (53kg) silver aser külem asayar Kiran Bishnoi-i (76kg) bronze medal nguogo.
Iba asayamung nung tetsür 50m pistol prone final khashishiba India tsür Tejaswini Sawant-i koka CWG medal trokbuba agizükogo. India tsür Seema Punia aser Navjeet Dhillon nati discus tetoktepba nung takok ngua India athletics nungi mezüng sliver aser bronze medal nguogo. Iba asayamung athletics nung Yangtepnü (Thursday) India tsüri medal ana anguba ajanga India medal tally nung medal 31 kümogo.
Iba asayamung anogo tatemlen, tetsür hockey semi-final tetoktepba nung kanga dang tia maka aser tejashitsüka India tetsür team-i Australia tetsür team 0-1 agi makok. India tetsür team-i bronze medal atema Küptoknu (Saturday) England den asayatsü.
Maneni, Athletics tetoktepba nung taoba Glasgow CWG nung bronze-medal angusang India nunger Arpinder Singh AV Rakesh Babu-i tebur triple jump final Küptoknü (Saturday) asayatsü atema qualify süogo.
Table tennis : Taküm Tsüklai (February) Times of India Sports Awards (TOISA) sentong nung TT Player of the Year (People’s Choice) award angula Manika-i round 16buba tetoktepba nung Australia tsür Tracy Feng madak 11-6, 11-6, 9-11, 11-9, 11-7 agi koka quarter-final asaya nung lai Singapore tsür Yihan Zhou madak 11-5, 11-6, 11-2, 6-11, 11-9 agi kokogo. Rogonü (Friday) anepdang 6:10 ako nung Manika-i aser Singapore tsür Tianwei Feng na semi-final asayatsü jangjaogo.
Kasa asaya Tebur kija tetoktepba nung India nunger Achantha Sharat Kamal, Sathiyan Gnanasekaran aser Harmeet Desai nungeria takok nguogo. Tetsür tarep nungi India tsür Sutirtha Mujherjee aser Pooja Sahasrabudhe, temeyoktep tarep nung India nunger ‘Manila aser Sathiyan’, ‘Sanil Shetty aser Madhuria Patkar’ aser ‘Sharath aser Mouma’ nungertemia takok angu aser iba den külemi tebur tarep nung Achantha-Sathiyan aser Harmeet-Sanil natia taok ngua asayaogo.
Badminton : Badminton asaya nung, Yangtepnü (Thursday) India nunger kija asayar World No 1 tongtetsang Kidambi Srikanth, HS Prannoy, PV Sindhu, Ruthvika Gadde aser Saina Nehwal nungeri kanga dang shilem tajung agia asaya takok ngur quarter-final tongogo. India nunger Srikanth-i Sri Lanka nunger Niluka Karunaratne madak 21-10, 21-10 agi takok nguogo aser Rogonü (Friday) Singapore nunger Zin Res Ryan NG den asayatsü jangjaogo. Prannoy-i 21-18, 21-11 agi Australia nunger Anthony Joe madak takok nguogo aser pa Sri Lanka nunger Dinuka Karunaratna den quarter nung asaytsü.
Tetsür kija round 16buba nung India tsür Sindhu-i Australia tsür Hsuan-Yu Chen madak 21-15, 21-9 agi kokteta quarter-final nung Canada tsür Brittney Tam den Rogonü (Friday) asaytsü. Kasa asaya tang ka nung India tsür Ruthvika-i Singapore tsür Jia Min Yeo madak 21-10, 21-23, 21-10 agi takok nguogo aser lai tanabuba asaya Scotland tsür Kirsty Gilmour den asayatsü. maneni India tsürtem rongnungi Saina-i mezüngbuba game nung Isle of Man tsür Jessica Li madak 21-4 agi koka liasü.
Maneni, temeyoktep tarep round of 16 tetoktepba nung India nunger Pranaav Chopra aser N Sikki Reddy nati Singapore nunger Danny Chrisnanta aser Jia Ying Wong madak 19-0, 21-2 agi takok ngua quarter-final nung Malaysia nunger Peng Soon Chan aser Liu Ying Goh na den asayatsü. Tebur tarep toktepba nung Satwik Rankireddy aser Chirag Shetty nati Mauritius nunger Aatish Lubah aser Christopher Jean Paul madak 21-8, 21-12 agi takok nguogo aser quarter-final nung India nunger tarep ya Malaysia nunger Chan aser Soon Huat Goh na den asayatsü. Temeyoktep tarep quarter final nung India nunger Satwik aser Ashwini Ponnappa na Malaysia nunger Goh aser Shevon Lai na den asayatsü.
Squash : Tarep temeyoktep squash tetoktepba nung India nunger Dipika Pallikal Karthik aser Saurav Ghosal nati Wales nunger Tesni Evans aser Peter Creed madak 2-0 agi koka semi-final tongogo. Tebur tarep tetoktepba nung India nunger Vikram Malhotra aser Ramit Tandon nati Sierra Leone nunger Ernest Jombla aser Yusif Mansaray madak 2-0 agi kokogo.