Nirav Modi aputsüba atema India-i mepeshi

New Delhi, Rongchii 12 (Agencies): India-i Hong Kong dang ozüng amer dang nungi jenshia senzür Nirav Modi aputsüba atema mepishiogo aser Hong Kong nungi ketdangsertem osang atadar, ta ketdangesr kati Yangtepnü New Delhi nung ashi.
“Onoki Hong Kong nung ketdangsertem dang Nirav Modi bendanga agütsütsü asoshi mepishiogo,” ta external affairs ministry otongdar Raveesh Kumar-i new Delhi nung osangbenertem den sensaksemdang ashi. “Ozüng benshir ket nungi jenshia senzürtem bendanga agütsütsüba dak sendakba nung India aser Hong Kong na tezüngzüktepba ka yanglua lir, aser onok tang parnok nungi osang atadar,” ta paisa ashi.
Kumar-isa ashiba agi, Hong Kong nung Indian mission ajanga ashiba agi, Department of Justice-i India nungeri Modi aputsüba atema mepishiba ken o asadangdar.
Diamond shishilembar Nirav Modi aser pa teko Mehul Choksi nati Punjab National Bank (PNB) sen crore 12,600 agi aser iba den bendenloksema Tsüklai (February) crore 1,300 agi ashioktsüba atema aija lir.
Taoba mapang nung Modi ya Hong Kong nung jenoka lir, ta Parliament nung metetdakja liasü.