Modi-i Dr Ambedkar National Memorial lapoktsütsü

New Delhi, Rongchii (April) 13 (Agencies): Rogonü (Hokolbar) Prime Minister Narendra Modi-i 26, Alipur Road tashi metro nung ao.
Küptoknü (Honibar) nü Modi-i Dr Ambedkar National Memorial lapoktsütsü sentong lir.
Tanü Modi-i Lok Kalyan Marg metro station nungi 26, Alipur Road tashi metro nung ao aser idangji pai senzüsenbonger den sensaksem aser selfie agia liasü.
Lok Kalyan Marg metro station to 26, Alipur Road ya Linük Temzüng kaket mesüka yanglu. Iba memorial ya ali acre 2 shi ka nung sen crore 100 endoka yangu.
Iba tesem nung Luchii (December) 6, 1956 nü Dalit lennir aser India indang Constitution yangluba committee nung Chairman BR Ambedkar asü.
Metsüremi (March) 21, 2016 nü Modi-i iba memorial yanglutsü atema lung azünga yutsü.
Iba memorial nungsa meditation hall ka yanglua lir aser iba denji Bodhi Tree, musical fountain aser facade lighting tem yanglusema lir.
Rongchii (April) 14, 2018 nü Prime Minister Narendra Modi-i Ambedkar National Memorial ji lapoktsütsü. Iba tesem ya New Delhi kübok Civil Lines area nung aliba 26, Alipur Road nung lir.