DPRO staff senden ka Green Park Dimapur nung amen

DPRO Dimapur nung staff tem outdoor senden ka Green Park, Dimapurnung Rongchii 14, 2018 anogo amenba mapang tangokba noksa nung angur. 

Dimapur, Rongchii 13 (TYO): DPRO staff Dimapur ‘outdoor’ senden ka Green Park, dimapur nung Rongchii (April) 13, 2018 nü menogo. Iba senden nung jembiba mapang, iba ama tesem nung senden amenba ajanga staff tem tsüngta tesendaktep tali kadaktsür aser ibaji kanga tongtibang lir, ta District Public Relation Officer, Dimapur, Lolano Patton-i ashi.
Tawa agiba State Assembly Election 2018 nung lemzüktsüba ama mapa shidak inyakba asoshi pelar, ta lai lar staff tem dang kasa senden nung ashi.
Iba department ya kangadang tongtibang department ka lir aser iba department ajanga shilem tajung agir, aser tetemsü AHODs aser HOD aliba ajanga department tejakleni bener aor aser ibai kanga tia taka lir, ta laisa ashi. Maneni Lolano-isa lar department nung staff tem dang pei tebilemba lemsateptsü aser züngsem ajunga amalitep alitsü ajungshi.
Staff tem mapai aruba indang jembiba mapang, DPRO-i staff ajak dang office-i teti arutsü aser ‘no work no pay’ ozüng sashia amshitsü, ta metetdaktsü.
Staff tem tenüng nung UDA Kopotso-i DPRO dang iba ama sentong ayongzükba asoshi pelaba lemsatep aser maneni staff tem office-i teti arua kati ka dak nungi angazüktsü ajungshi.