CWG: Shooting, wrestling, boxing aser TT team-i India medal tally ajungket

Brisbane, Rongchii 13 : Brisbane, Australia nung aliba Belmont Shooting Centre nung Commonwealth Games 2018 tetsür 50m Rifle final toktepba nung takok ngur India tsür gold medallist Tejaswini Sawant tiyong sür India tsür silver medallist, Anjum Moudgil aser Scotland tsür bronze medallist, Seonaid McIntosh nungertem külemi tangokba noksa nung angur.

Gold Coast, Rongchii 13 (Agencies): 2018 Commonwealth Games asayamung tenzüker anogo 9buba nung linük balala nungi asayartemi kanga jangrabangra asayaa arudar aser India contingent-ia shilem tajungtiba agi takok ngua aruba nung parnoki medal 42 tashi nguogo. Iba asayamung tembangtsü anogo ana dang anünga lir aser teimla tulu nung India teloki ano medal karbo angutsü renemshidar.
Shooting: Tetsür 50m rifle 3 prone final tetoktepba nung India tsür Tejaswini Sawant-i game record point 457.8 tashi khateta gold medal nguogo aser la atema ibaji medal tanabuba asütsü. Times of India Sports Awards (TOISA) sentong nung ‘Emerging Player of the Year’award angusang Anish-i Rogonü (Friday) shooting tetoktepba nung pai point 30 tashi yanglua India atema gold medal 16buba bendenloktsü.
Kasa asaya nung Sawant sülen arishi küm 24 tain India tsür Moudgil-i point ajak agi 455.7 tashi yanglua jenjang tanabuba tongtet aser lai CWG nung la asoshi mezüng silver medal nguogo.
Wrestling: Kasa asayamung Wrestling tetoktepba nung India nunger asayar pezüpronglai takok angu. Iba asaya nung India nunger Bajrang-i seret 61 telemsa nung Wales nunger Kane Charig madak amokbanga 10-0 agi akok. Tetsür seret 57 telemsa freestyle final nung India tsür Pooja-i Olympic bronze medalist aser World Championship nung medal anaben angula, Nigeria tsür Odunayo Adekuoroye makok. Iba yongji lai silver medal dang ngutet.
CWG nung mezüngbuba shilem agisang arishi küm 26 tain, India nunger Khatri-i tebur seret 97 telemsa final tetoktepba nung South Africa nunger Martin Erasmus mekoki silver medal ngutet. Taoba küm Asian aser Commonwealth Wrestling Championship nunger nung medal angula, India tsür Divya-i CWG nung tetsür seret 68 telemsa freestyle tetoktepba mezüngbuba asaya nung bronze medal nguogo.
Boxing: Gold Coast asayamung nung India atema boxing nung medal mezüngbubaji Tanwar-i ngutet. Rogonü (Friday) tebur seret 91 telemsa semi-final tsüngtepba nung Tanwar-i Australia nunger Jason Whateley makok aser pai bronze medal ang ngutet. Seret 56 telemsa semi- final nung India nunger Hussamuddin-i 0-5 agi England nunger Peter McGrail makok aser kasa asaya seret 69 telemsa nung Manoj-i England nunger Pat McCormack makok aser tenapronglai (Manoj aser Hussamuddin) bronze medal angu.
India boxing contingent atema Gold medal kar bendenloktsü tiemla nung Amit Phangal, Gaurav Solanki, Manish Kaushik, Vikas Krishan aser Satish Kumar nungeri semi-final takok ngua Küptoknü (Saturday) final asayatsü.
Küptoknü (Saturday) final tetoktepba nung, Phangal-i England nunger Galal Yafai den asayatsü. Solanki-i Northern Ireland nunger Brendan Irvine aser Kaushik-i Australia nunger Harry Garside den asayatsü. Kasa mapang Krishan-i Cameroon nunger Dieudonne Wilfried Seyi Ntsengue den final nung tokteptsü. Satish-i England nunger Frazer Clarke den gold medal bout atema asayatsü.
Badminton: India badminton quarter-final tetoktepba nung India tsür Ruthvika Gadde temang nung timtem aliba ajanga Scotland tsür Kristy Gilmour den asaya aliba anenadok. Tetsür tarep asaya nung N Sikki Reddy aser Ashwini Ponnappa nati Sri Lanka tsür Hasini Ambalangodage aser Madushika Beruwelage madak 2-0 agi koka semi-final tongogo. Tebur tarep asaya nung Satwik Rankireddy aser Chirag Shetty nati Malaysia nunger madak 2-1 agi koka semi final tongogo. Rankireddy aser Ponnappa nati Malaysia nunger Soon Huat Goh aser Shevon Jemie Lai madak 21-19, 21-19 agi koka temeyoktep tarep semi-final tongogo.
Tebur kija quarter-final asaya nung Kidambi Srikanth-i Singapore nunger Zin Rei Ryan NG madak 21-15, 21-12 agi takok angu aser Saina Nehwal-i 21-8, 21-13 agi Canada tsür Rachel Honderich madak takok nguogo. Küproknü (Saturday) Srikanth aser England nunger Rajiv Ouseph na semi-final asayatsü. Kasa asya semi nung Saina o Gilmour na, Sindhu o Canada tsür Michell Li aser Prannoy o Malaysia nunger Lee Chong Wei nunger asayatsü jangjaogo.
Table Tennis: Tebur kija Table Tennis quarter-final asaya nung Sathiyan Gnanasekaran-i 0-4 agi England nunger Samuel Walker makok aser Harmeet Desai-i straight game agi Nigeria nunger Quadri Aruna makok. Kasa asaya tanga ka nung Achantha Sharath Kamal-i 4-2 agi takok ngua Küptoknü (Saturday) pai Nigeria nunger Aruna Quadri den semi-final asayatsü.
Tebur tarep quarter-final nung Harmeet Desai aser Sanil Shankar nati Australia nunger Heming XU aser Yan Xin madak 3-1 agi kokogo.
Squash: Tetsür squash quarter-final asaya nung Joshna Chinnappa aser Dipika Pallikal nati Canada nunger madak 2-1 agi koka semi-final tongogo. Temeyoktep tarep semi-final asaya nung Pallikal aser Saurav Ghosal nati New Zealand madak 2-1 agi kokogo. Küptoknü (Saturday) tenati Australia nunger Donna Urquhart aser Cameron Pilley den final asayatsü.
Tanü Boxing Gold Medal atema yamai asayatsü :
Time: 2.30 PM BOXING :Women’s 45-48 kg gold medal bout – Mary Kom
Time: 7.32 AM Men’s 46-49 kg gold medal bout – Amit
Time: 8.17 AM Men’s 52kg gold medal bout – Gaurav Solanki
Time: 8.32 AM Men’s 60kg gold medal bout – Manish Kaushik
Time: 8.47 AM Men’s 75kg gold medal bout – Vikas Krishnan
Time: 3.17 PM Men’s +91 kg gold medal bout – Satish Kumar