Mkg Inter-school badminton asayamung takok ngua kaogo

Mokokchung, Rongchii 14 (TYO): Rongchii (April) 12 nungi tenzüka anogo asemnü tashi yangi Indoor Badminton Stadium Mokokchung nung ‘Inter-School Badminton Championship 2018’ asayamung takok ngua kaogo.
Iba asayamung ya Tata Trust kübok ‘North East Initiative Development Agency (NEIDA)’ teloki senotsü teyari agüja Mokokchung District Badminton Association (MDBA)-i ayongzük.
Taküm iba asayamung nung asaya telemsa 10 (ter) liasü aser Mokokchung town aser temeket tesemtem nungi school 12-i iba asayamung nung shilem agia liasü. Takokertem nem senpet kuli kaket den nüngo kaka agi senpettsü. Jubilee Memorial School puri takok teimtiba nguteta parnoki taküm iba asayamung nung overall champion benogo.
Iba asayamung tembangba aser senpet agütsüba sentong nung Executive Engineer PWD, National Highway & Proprietor Ladybird School, Er. Chubatoshi tongti tesemdanger ka ama arua tayongzükba o tulu den sentong meraketdakja liasü.