Raipur nung Northeast tsür 6 apu

New Delhi, Rongchii (April) 16 (Agencies): Chattishgarh kübok Raipur nung Amungnü (Deobar) nikongdang Northeast tsür trok apu. Parnok ya teküp ayokba nung shilem agi ta tai tonglokja apu.
Tetsürtemji Nagaland, Manipur aser Arunachal Pradesh nungi lir aser iba osang ya Inspector General of Police, Delhi Robin Hibu-ia jangjatsüogo.
“Raipur nung teküp ayokba ken o nung ajemdaker NE tetsür 6 (Naga, Manipur, Arunachal tsürtem) puogo” ta Hibu-i Facebook nung ashi.
Raipur nung SSP Amresh Kumar-i tetsür trokji police-i mita aodang apu ta osang tejangja shiogo, ta IGP Hibu-isa metetdaktsü.
Tetsür shibelenertemi Northeast nungi tetsürtem dang mapa tajung agütsütsü ta mesüzüka tangaleni anir aoer aser iba sülen teküp yokdaktsür, ta paisa shisem.
Iba atema pai SSP, Raipur dang Northeast nungi tetsürtem anir aoertema ozüng tapet kübok merenshitsü atema shiogo ta IGP Hibu-isa ashi.
“Raipur, Chattishgarh nung teküp yokdaktsütsü atema anir aoba nisungtem ozüng tapet agi merenshiang ta ni SSP dang ashi” ta paisa shisem.