Radhika Apte aser Stana Katic nati WWII movie nung shilem agitsü

Rongchii 17, 2018 (Agencies): Actress Radhika Apte-i yakta la indang mezüngbuba international project, Hollywood film nung shilem agi tenzüktsü. Nüngja magütsüi aliba World War II drama ka nung Radhika-i actress Stana Katic aser Sarah Megan Thomas nunger den külemi itdangiter ka ama shilem agitsü. Iba film ya taoba British Ato Kilonser Winston Churchill indang “secret army” kübok itdangitertem indang shitakba taküm otsü nung ajemdaker yanglutsü, ta Deadline ajanga metetdaktsü.
Iba osang ya jangjashitsü atema Radhika-i Twitter nung “Next project” ta zülur sangdonga liasü.
Radhika-i iba film nung India nungi jakzükba tetsür rongnung mezüngbuba wireless operator aser rara anema nokdaker Noor Inyata Khan ama shilem agitsü.
Iba film ya British nunger intelligence officer Vera Atkins indang inyakyim nung ajemdaker yanglu, kong Castle actress Katic-i (Vera) ama shilem agitsü aser lai France limai itdangiter mapa inyaktsü yokba tetsür ana, Khan (Apte) aser Virginia Hall (Thomas) nungeri otsü nung aliba ama shilem agitsü.
Iba film ya Queen of Katwe film director, Lydia Dean Pilcher-i direct aser produce asütsü.
Thomas-i iba film screenplay zülu aser pa producer nung densema lir.
Actor Linus Roache aser Rossif Sutherland nada iba film nung tongti shilem agitsü aser iba film ya Rongchii (April) tatemlen tangok tenzüktsü.