Salman Khan Bharat film tangok tenzükogo

Rongchii 17, 2018 (Agencies): Remo D’Souza indang Race 3 film renemba sülen nüngtugu actor Salman Khan ya Ali Abbas Zafar indang Bharat film tangok tenzükogo.
Producer Atul Agnihotri-i Twitter nung Tentonü noksa ka sayuba nung Salman Khan ya iba film indang clapperboard nung atsüka aliba nguogo.
Zafar shibai taoba mapang Ek Tha Tiger aser Sultan film nung Salman Khan direct asü, pai-a kasa noksa ya Twitter nung lemsatep aser iba noksa nung, “#Bharat#Nisung ka aser linük külemi jajaba lenmang @beingsalmankhan,” ta zülutsü.
Bharat ya South Korea nunger film, An Ode To My Father yanglushiba lir. Iba film indang otsü ya nisung ka Korea nunger rara mapang par kinunger den bilaba indang lir.
“Iba film ya Salman nungi aru. Pai iba film künem agütsü aser pai kanga nükshir ta ashi aser küdang iba film reprangtsü ashi. Nia reprang aser kanga nükshi. (Saka) Nai film ka chichiba nung aliba ama shidak meyanglutettsü. Lokti-yimten tensa ajanga nü indang otsü aser yimya nung kongshir. Saka ni iba film sabur. Salman-i Tiger Zinda Hai tangokba sülen iba film yanglutsü ashi,” ta Ali Abbas Zafar-i ashi.
Bharat film tangoktsü asoshi Zafar ya London nung tesem kar asameyanga liasü. Saka tawa Salman Khan 1998 blackbuck ken o nung aitsüba sülen Bhaijaan indang bail telatet memelenshi tashi iba film ya India nung tangoktsü südi.
Atul Agnihotri ya Salman Khan tenu Alvira Khan den kibong küma lir. Producer ka ama pai O Teri, Bodyguard aser Hello film tem yanglua lir.