RMSA tesayurtem Taekwondo training shilem tanabuba tenzükogo

Dimapur, Rongchii 17 (TYO): IG Stadium, Kohima nung Nagaland Taekwondo Association (NTA) ajanga RMSA tesayurtem nem Taekwondo nung martial arts training (2017-18) session agütsüba shilem tanabuba Tentonü (Monday) nikongtsütsü nungi tenzükogo.
Iba sentong tenzükba mapang jembidang, mezüngbuba aser tanabuba shilem training mapang tesayur tetsürtem aika aruba asoshi pelar, ta RMSA Joint Mission Director, Dr. Kevi Rio-i ashi.
Pai-sa tesayurtem dang Taekwondo asaya züngzünga angazüker oa pei school nung tanurtem dang sayutsü ajungshi.
Anogo ishika training agiba mapang tesayurtemi tajungtiba nung angazüktsü merangtsüla, ta NTA tir, Pele Khezhie-ia ashi.
Iba training tanabuba shilem nung Phek, Mon, Longleng, Kiphire, Tuensang, Zunheboto, Peren aser Wokha nungi tesayur 43 shilem agir.