Wokha nung gari lenmang nung aliba osettsüsettem agientsü

Dimapur/Wokha, Rongchii (April) 18 (TYO): Wokha Deputy Commissioner, Dr. Manazir Jeelani Samoon, IAS-i gari lenmang nung traffic timtem malitsü atema National Highway-2 nung aliba long, longru, merang aser lisem ama kisüjensüba osettsüset agientsü tamalen metetdakja liasü, aser iba dak sendakba nung tanü (Rongchii) 18, 2018 nü District Administration den Police aser DBs-i jila aser temeket nung gari tim mesüi anena ayuba aser kisüjensüba osettsüsettem agientsüogo, ta tanü ketdangsertem osang ka ajanga metetdaktsü.
Tanü gari ajak agi gari trok DTO office-i atsüer ao aser ghonda 48 tsüngda gari lenmang nung aliba osettsüsettem agientsü atema tetuyuba agutsüogo, ta kasa osang ajanga metetdaktsü.
Nüburtem dang tarutsü nunga gari lenmang nung osettsüset mayutsü aser jana meindoktsü metetdaktsüogo.