LaQshya indang State level Orientation Workshop agi

Kohima, Rongchii 18 (TYO): Department of Health & Camp; Family Welfare-i ayongzüka Rongchii (April) 18, 2018 nü Conference Hall, Directorate of Health & FW, Kohima nung LaQshya indang State level Orientation Workshop agiogo.
Quality Improvement Initiative & Maternal & Child Death Surveillance & response, PMSMA & GDM Rongchii 18, 2018 nü tenzüka liasü.
Sentong nung shisalen sayurtem, ketdangsertem aser shilem agirtem den jembidang DoH&FW, Govt. of Nagaland, R. Ramakrishnan, IAS-i, National level data den medemdangra state indang Infant Mortality Rate (IMR) aser Maternal Mortality Rate (MMR) ji kanga junger ajisüaka service agütsür ka ama asenoki IMR aser MMR 0% asütsü atema meranga inyaktsüla, ta ashi.
Ramakrishnan-isa, LaQshya ya tongtibangsüa Labour Room nung rangloker inyaker, anungji asenoki state nung Institution Delivery tajungba akumtsü atema inyaktsüla, ta ashi.
Paisa state nung agitsü aliba tongtibang sentong ana- Rongchii 30 nü “Mission Indradhanush focusing on Full Immunisation and Ayushman Divas” agitsü indang metetdaktsü. Iba ya BPL kibongtem atema Health Insurance lir. Iba dak sendakba nung pai Medical practitioners dang item programmes takok angutsü atema meranga inyaktsü mepishia metetdaktsü.
Mission Director, NHM, Nagaland, Dr. Kevichusa Medikhrü-ia Labour Room nung MMR aser IMR tatalokbatem atema tebilemtsü kaa jembiba den külemi labour room jenjang tajungba akumtsü atema rangloker inyaktsü ayongzük.
Paisa shilem agirtem dang iba workshop nung kanga nendaka adentsüla, kechiyong iba ya tetsü aser tanur taküm dak sendakba lir, iba denji anogo ananü tsüngda mangatetjemba ajak asüngdanga rajemtsü ayongzük.
Nagaland nung iba sentong ya shilem balala lemsar agiyonga aotsü, aser mezüngbuba shilemji Kiphire, Mon, Longleng aser Tuensang nung aliba District Hospitals nung tenzüktsü, iba sülen tanüngba District Hospitals nung agiyonga aotsü.
Anogo ananü workshop nung shisalen sayurtemji, Dr.Amit Yadav, Senior Technical Officer, MoH&FW, Dr.Amrita John, Consultant, MoH&FW, Narender Jangra, Regional RMNCH+A Coordinator (NE) aser OBG Mon DH and RMNCH+A Unit, Nagaland, Dr. Supongmeren nunger lir.