Tashiyim maparen inyaktsü tebilemba mali : Rouhani

Tehran, Rongchii 18 (Agencies) : Kidanger anema tashiyim maparen inyaktsü asoshi Iran nunger tebilemba kecha mali saka linük kümzüka ayutsü asoshibo nüngdakba oset ajak maneni yanglutsü, ta tanü Rasemnü Iran Tir, Hassan Rouhani-i metetdaktsüogo.
“Tongpang nung amshitsü atema onoki nüngdakba oset ajak yanglutsü ta alima dang ashir aser nüngdakra onoki itemji alizüktsü. Onoki ataa mekazü aser nenok nungi telangzüba agütsüba asoshia matatsü,” ta annual Army Day amongtsü atema Tehran yimti nung ayongzükba military parade ka nung jembidang Rouhani-i metetdaktsü.
“Aji oda süaka, region nung aliba kidanger linüktem dang shinübaji, nenok anema apusotsü asoshi onoki khenyongi bilema mali,” ta paisa shisemogo.