Fazl Ali College Journal sayaogo

Dimapur, Rongchii 19 (TYO): Fazl Ali College Journal ya tabu aika meyokteper adokba college indang kaket ka takotet nisungtemi asameyanga adokba lir aser iba ya UGC ajanga approve süa aliba Journals tem rongnung densema lir. Iba Journal nung research aser initiatives jenjang tajungba nung UGC-i agütsüba URKUND software nung kanga junga tendanger adok.
FAC Journal Division ajanga renemba kaket volume 7 ya iba college indang Principal, S. Arenla Longkumer-i Rongchii (April) 15, 2018 nü saya.
Tang tesüsa adokba kaket nung article 17 lir aser item article ya mongintemi asadanga reprangshir inok. Fazl Ali College Journal ya küm nung khen adoker aser iba kaket ya college ketdangser aser faculty temi senotsü agüja adoker aser iba ajanga faculty tem kanga ajangzüker.
Iba Journal indang copy ya kaket zülur, reviewers aser government college indang library ajaki mail sütsüogo. Kasa Journal ya nijai lapokba college temi aginüra facj@journalist.com dangi pei indang address email süang, ta sangdong ka ajanga metetdaktsü.
Kasa Journal ya reju balalai subscribe sünüra mesüra jangjanüba kar lia kasa email nung osang agütsünung ajungtsü, ta Journal Division ajanga metetdaktsü.
Iba Journal indang Volume 8buba ya Luchii (December) 2018 nung adoktsü nükjidong lir.