e-Panchayat initiatives atema Sikkim nem award angutsütsü

New Delhi, Rongchii 19 (Agencies): Sikkim sorkar nem Rongchii (April) 24 nü National Panchayat Raj Day amungba mapang nung Ato Kilonseri National Awards trok tashi agütsütsü. Iba sentong ya Jabalpur ,Madhya Pradesh nung akatsü.
e-Panchayat initiatives benoka inyakba nung first category States tem rongnungi Sikkim-i mezüngbuba jenjang ajangtetogo.
Iba dak alia Sikkim-i Gram Panchayat Development Plan benoka inyaksangshiba atema National award asem rongnung ka koktetogo.
Award angutsü aliba tem yamai alitsü:
Deen Dayal Upadhyay Panchayat Sashaktikaran Puraskar (DDUPSP), South District Zilla Panchayat nem agütsütsü.
Deen Dayal Upadhyay Panchayat Sashaktikaran Puraskar (DDUPSP), West Sikkim Martam Gram Panchayat Unit, nem agütsütsü
Deen Dayal Upadhyay Panchayat Sashaktikaran Puraskar (DDUPSP) South Sikkim Namphing Gram Panchayat nem agütsütsü.
Nanaji Deshmukh Rashtriya Gaurav Gram Sabha Puraskar (NDRGGSP) North Sikkim Tingvong Gram Panchayat nem agütsütsü.
Iba sentong nung adentsüba atema teshimtetba purtem Jabalpur-i yakta aotsü. Rongchii (April) 23 nü Maha Panchayat ka akatsü aser iba sentong nung Sikkim Panchayat nungi tir ana Panel Discussions nung shilem agitsü. Iba sülen Rongchii 24 nü Award agütsüba sentong akatsü.