Railway tatidang card taila bener nisung tenet apu

Guwahati, Rongchii 19 (Agencies): Railway recruitment tatidang atema admit card taila bener aliba nisung tenet Rasemnü Railway Protection Force-i puogo. Parnok rongnung ya tetsür asem densema liasü.
Arpita Das, Gopal Das, Sanjib Kumar Das, Kaushik Chakraborty, Sudhir Karki, Jiya Poddar aser Indira Das nunger ya NorthEast Frontier Railway headquarters medical tatidang atema aruba mapang nung apu.
“Parnok ya Bengal nung tesem balala nungi lir. Rasemnü anepdang parnok ya Maligaon, NFR mozüki-i railway grade C post medical examination atema aru. Ajisüaka rasemnü medical tatidang kecha maliasü. Iba sülen onok staff temi parnok indang kuli kakettem asadangba nung itemji talia ta ngutet,” ta Maligaon RPF ketdangser Bimal Das-i ashi.
Ken o ashishiba mapang nung parnoki Siliguri nung alir Alok Sen nem sen 50,000 agütsür item kuli kakettem ya alizük ta metetdaktsü.
Parnok ya Guwahati-i Rajdip Sarkar teyari nung aru shiba rasemnü parnok den liasü saka railway ketdangsertemi parnok kuli kaket asadangba mapang nung pa jena oadok
“Onoki bushisüngdang tenzükogo aser parnok tenet prongla ya Assam police nem agütsüogo,” ta Das-isa ashi.