Asangma nung temesepba chiyongtsu anema sentong agi

Dimapur, September 2 (TYO) : Ao Baptist Arogo Mungdang (ABAM) 2014 Indi mungdang akadang lemtetba nung tuyua aliba ama August 22, 2015 nü Arogo akhüm nung Christian Education Department-i temesepba chiyongtsü anema nokdakba temaitsü sayua shitipak nung ozülu tapu balala zülua amer yimdong sua yimyim ayima jajaogo, ta Asangma Baptist Arogo,
CEM-i sangdong ka nung metetdaktsü.
Iba sentong nung Christian Education cum Youth Director den külemi tesayurtem, tanurtem, Deacon Board aser tenzüklatem nungi teyaritep ajanga takok tajung ngua agi.
Ibai kuli küpdok agiba mapa ka masü saka alizüng matong tashi temenen tashi ajak maksüdakja nokdaktsüba mezüng jenjangmong ajemtetba mapa ka asütsü ta tamang nüktzü ola agi ayimokja aser tarutsu anogo asoshia temoatsü meshia sarasademer sentong shebang, ta ABA CEM-isa metetdaktsü.
Parnokisa, sentong nung yariteper ajak dang pelaba metetdaktsüogo.