Mokokchung nung (NEPEx) atema senden ayongzüka amen

Mokokchung, Rongchii (April) 20 (TYO): Mokokchung Deputy Commissioner, Sachin Jaiswal, IAS-i Rongchii (April) 20, 2018 nü ADC (Planning) Conference Hall, Mokokchung nung senden ka ayongzüka Nagaland Emergency Preparedness Exercise (NEPEx) dak sendakba senden ka amen; iba sentong ya Rongchii 26, 2018 nü agitsü.
Iba senden nung Head of Offices, ketdangsertem, ward ketdangsertem aser NGOs nungi züngsemtem dena liasü.
Senden nung jembidang DC-i, ketdangsertemi pei shilem aser khuret meteta alitsüla, ta metetdaktsüba den külemi pai, Emergency Preparedness Exercise (NEPEx) ya sorkar ketdangsertem atema dang masü saka public ajak atema tongtibang lir, ta ashi.
Rongchii 26, 2018 nü Mock Exercise ji anepdang 10:00 ako nungi Hospitals, Schools, Shopping Complexes aser Office buildings kar nung agitsü.
Kasa senden nung Tumben P. Tsanglao EAC aser Pichano Kikon EAC nati Incident Response System (IRS) indang power point presentation agütsü.