Meghalaya nung MLA anati front tasen ka tentetogo

Shillong, Rongchii 24 (Agencies): Meghalaya nung MLA anati Meghalaya United Front (MUF) ta nüngja agütsür front tasen ka tentetogo.
Iba front ya Gambegre constituency nungi NCP MLA, Saleng A. Sangma aser Nongkrem nungi Independent MLA Lambor Malngiang nati tentetba lir.
MLA anaprongla ya National People Party (NPP) kübok Conrad K. Sangma lenisüba kübok Meghalaya nung tang yimsü tesüdak Meghalaya Democratic Alliance (MDA) sorkar nung densema lir.
Saleng-i ashiba agi, front (MUF) tasen ka tentetba ya nüburtemtem yariba den külemi team ka nung kati ka yariteptsüba atema tentet. MDA sorkar nung ya party trok aser independent densema lir. Party temji: NPP, United Democratic Party (UDP), People’s Democratic Front (PDF), Hill State People’s Democratic Party (HSPDP), BJP aser NCP ta alitsü.
Meghalaya nung Assembly menden 60 nungi Speaker densema MDA nungi züngsem 35 lir.
Item rongnung NPP nungi MLA 19, UDP (Speaker dena) trok, PDF pur pezü aser BJP, HSPDP aser Independent anana lir.
Lambor ya Meghalaya State Planning Board nung mendenbuba lir aser kasa mapang nung Saleng State Government Programme Implementation and Monitoring Committee nung mendenbuba lir.