Kma ward chairmen tem dang metetdaktsür

Kohima, Rongchii/April 25 (TYO): Tanü Head of Department, Directorate of Municipal Affairs, Dr. Toshimanen Ozukum-i Rongchii/April 27, 2018 anüngdang 11:00 ako nungi Conference Hall-1, Directorate of Municipal Affairs nung Kohima jila nung ward 19 nungi Chairman ajak senden ka amentsü, aser iba senden nung jila nung gari anena ayuba tebilemtsü; Traffic timtem aser Municipal Solid Waste Management onüktem nung o lemteptsü ta metetdaktsüogo, ta tanü ketdangsertem sangdong ka ajanga metetdaktsü.
Anungji ward 19 nungi Chairman ajak dang iba senden nung medema adentsü mepishia metetdaktsür; iba dak alia senden nung Chairman medentettsüsa kümra ward Chairman-i ward tenüng nüng nübo ka yoktsü metetdaktsü, ta kasa sangdong nung shia lir.