Mozü Shiteter Tulu (T.Ken 107:16-21)

Laishibaji tanela tashidak anebtsü mozü ta angazükogo. Tang mozüji shibai amshir, iba mozü amshir Tulu indangji shisadangtsü.
Yisu Khrista temenen pur temulung meyipdaktsütsü aru, aser Pai dang parnok kümzüktsü akok. Tanü alima nung tiyazü mozü shitetter lir. Parnoki kechi agütsür iba jagi tanela tebilemtsü nung meyarira. Yeremia mapang nung tiyazü ainkartemi agütsüba mozü agi teyari magütsü (Yr. 8:11,22). Doctor shibai ne tashidak tiyazü ashir iba doctor nai koda agizüktsü? Item ainkartemi Israel tanelaren jenjang tai sayu.
Doctortem magizüki aliba nüburtem lir aser nai aginüba mapang shitak nung majurutsü akok. Saka kodangsa nai jadir Yisuibo arur. Pai putetba tashidakji shitak. Pai zübu ajak aser shirangba ajak anebtsütsü akok. Pai tashiyim agi Pa ne nem magitsür; Pai ne tashidak aser ne nüngdak bener arutsü ataa alir. Aser tesümangtsüji na anebaluba taa ajak Pai Kalvary kangki nung agütsü.
Temenen nung sama alirtem asütsü talang (T.Mapa 2:21). Nai ne tekümtet asoshi amanga melira, tang amangang.
Mozü shitetter tului ne tanela shirangba nung mozü agütsür. Pai mamanger kümzüktsü akok, temulungjang teraksa anebtsür aser tesendaktep raksaa aliba jungtepdaktsür. Nai kechi nungsa Yisui tanebtsü agi kongshidaktsüner, Yisu dang asüngdangang.