MLA tem atema Orientation Programme ka alitsü

Dimapur, Rongchii (April) 25 (TYO): Monupii (May) 15 & 16, 2018 anogotem Nagaland Legislative Assembly Secretariat nung Legislators atema Orientation Programme ka alitsü.
Iba sentong ya Parliamentary Practices aser Information Technology atema asütsü aser Nagaland Governor-i sentong tenzüktsütsü mulunga agizükogo, ta Commissioner & Secretary, N. Benjamin Newmai-i sangdong ka nung metetdaktsü.
Züngsem ajaki anogortem züngzünga ayutsü aser sentong nung adentsü mepishir. NLA Speaker-isa AHODs aser HODS ajak iba sentong nung adentsü pelashishia jaoker, ta Commissioner & Secretary-isa metetdaktsü.