Shiva Thapa Asian Boxing Championship semifinal tongogo

Bangkok, September 02 (Agencies): Defending champion, Shiva Thapa-i külem sensopur, Devendro Singh aser Vikas Krishan na sülen anidaka tang tasayadak Asian Boxing Championship semifinal nung shilem agitsü jenjang yashi Mongolbar nü ajangzükogo.
Temang touzük seret 56 taret Shiva-i points 2-1 ngua 2 buba round tsüngtepdang Kyrgyzstan nunger Omurbek Malabekov yiruba yong pai joko metsüngteptettsüsüa küma Shiva-i yashi quarterfinal asaya akok.
Ajiüaka, külemsensopur, Manoj Kumar aser Manpreet Singh nabo yashi tamakok ajuruba osang jangjaogo.
Shiva-i tan semifinal asayatsü jenjang anguba ajanga 2016 Rio Olympics nung shilem agitsü asoshi Doha nung taruba October ita asayatsü ayongba qualifying asayamong mezüngbuba, World Championships nung shilem agitsü angur lir.