Ghoshal PSA tarensen nung 15 buba akümer

New Delhi, September 02 (Agencies): India nunger squash asayar mongin, Saurav Ghosal-i tan tesüsüa sangdongba Professional Squash Association Rankings (PSA) tarensen nung 15 buba jenjang ngua India’er squash asayar rong nung temaba jenjang anguba osang jangjaogo.
Ghosal-i temaleni jenjang 4 tashi atutsü maongka ngua tang 15 jenjang atonger lir.
Külem sensopur, Mahesh Mangaonkar aser Harindar Pal Sandhu nata 52 buba aser 56 buba jenjang nung aliba osang jangjaogo.
Tetsür tarensen nung India tsür Dipika Pallikal-ia temaleni jenjang 1 atutsü maongka ngua tang 17 buba jenjang nung lir.
India tsürsa, Joshana Chinappa-a tang 28 buba jenjang nguteta aliba osang jangjaogo.
Egypt tsür Raneem El Welily-i Malaysia tsür Nicol David ajangteta tang tetsür World No. 1 kümogo.