MLA tem atema Parliamentary Orientation Programme akatsü

Kohima, Rongchii 27 (TYO): Monupii (May) 15-16, 2018 anogotem nung Nagaland Legislative Assembly Secretariat nung MLA tem atema Parliamentary Practices aser Information Technology indang Orientation Programme akatsü aser Nagaland Angh-i iba sentong tenzüktsütsü, ta tanü ketdangsertem osang ka ajanga metetdaktsü.
Iba dak sendakba nung züngsem ajak dang iba sentong nung medema adentsü mepishia metetdaktsü. Assembly Speaker-i kasa sentong nung AHoDs aser HoDs ajak adentsü jaokogo, ta kasa osang ajanga metetdaktsü.