Ozüng raksar parnok pongu Dimapur police-i puogo

Dimapur, Rongchii 27 (Agencies): Rongchii (April) 25 nü 32 Assam Rifles puri Sovima yimtsüng nung alir Ngulho Mepfuo’er jabaso Vikuosa Mepfuo (38) ket nungi ozüng alema prangbong injang apuba sülen police ket nung agütsü. Iba dak sendakba nung ken o maneni bushisüngdangtsü atema Chumukedima Police Station nung ken o ka benokogo, ta Addl. Dy. Commissioner of Police-i sangdong ka ajanga metetdaktsü.
Kasa mapang nung Dimapur Police AET Zone-2 puri Rongchii (April) 26 nü Niuland kübok Ghoshito yimtsüng nung alir Vitoshe’er jabaso Vihuto Achumi (29) puogo. Pa ya Dimapur New market nung süngjanglijang ayokertem dang nungi ozüng alema sen sarua lia apu. Iba dak sendakba nung West Police station nung ken o ka benokogo.
Maneni Rongchii (April) 27 nü 12:30 ako shi nung Chumukedima, Ward- 6 nung Ruokuobeiu Mere-i (36) ozüng alema rakzükrakdema lia apu. Pa ket nung AK-47 Rifle, ka aser injang 18 aser empty case tem bener lia puogo. Ajisüaka pa den külemi alisangbo jena oadok. Iba tatalokba ya maneni bushisüngdangtsü asoshi Chumukedima Police Station nung ken o ka benokogo.
Rongchi (April) 26 nü 11:15 ako shi nung Dimapur Police-i Nagarjan point anasa aliba Gurzzer Lounge meita aoba mapang Cane beer (Kingfisher) Cases 6, Breezer case 1 aser bottle 18, Blenders Pride, Whisky bottles 3 aser white moment, Vodka bottle1 puogo. Iba dak sendakba nung Hutoi’er jabaso (P/Add- Kushiabill, Dimapur) Kakito Shekie (28) aser Atovi Achumi’er jabaso (P/Add- Lake View colony, Dimapur) Rocky Achumi (23) na puogo aser East Police Station nung ken o ka benoka tang bushisüngdangdar.