ENPO-i tensa meraksatsü ayongzüker

Dimapur, Rongchii (April) 27 (TYO): Rongchii (April) 22, 2018 nü New Helipong, Tuensang anasa mejangjatetba nisung kari totzü abenba gari driver aser teyariteper ka pur aoba atema tebilemtsü abener ta Eastern Nagaland Peoples’ Organization (ENPO)-i sangdong ka nung metetdaktsü.
Iba tesem nung tensa süngjemdaktsütsü atema tena chioktsü mepishir ta Media Cell sangdong ka nung ashi.
Luchii (December) 18, 2007 nü Tuensang Resolution nung Eastern Nagaland public-i onok litsü nung ozüng alema inyakba, amokmerenba mesüra azütokshiba inyakyim ajak noktangr ta bangzünga renemogo. Anungji nisung ajaki iba tangatetba nung inyaksangshitsü aser tensa meraksatsü atema mepishir, ta ENPO-isa metetdaktsü.