State Angh-i Labour Day osang lemsatep

Kohima, Rongchii/April 30 (TYO): ‘May Day’ ta ajaba International Labour Day anogomong nung Nagaland Angh, PB Acharya-i Nagaland nung mapa inyaka tenzükertemi meranga inyakba atema tetushi agüja, linük terenlok, talisa state terenlok nung parnoki shilem tulu agir ta shiogo, ta PRO to Governor sangdong ka ajanga metetdaktsü.
Paisa, “Mapa inyakertemji taküm lenla ajak nung rongsen yanglurtem lir. Mapa inyakbaji tekülem. Mapa inyakertem nem tim tagutsütsü magutsübaji ozüng alema lir aser meimchir dak mapet. Asenoki parnok akhümtsübutsüla aser parnok den kasa benshitsüla,” ta ashi.
“International Labour Day ya Monupii (May) 1, 2018 nü amonger, aser mapa inyakertem ajanga terenlok, azükaru aser lokti atema inyakba asoshi asenoki parnok nem tetushi agutsüba anogo lir,” ta paisa ashi.