Assam nung Congress-i party MLA 9 anentsütsü

Guwahati (Assam), September 02 (Agencies): Assam nung Congress Party-i party anema inyaker MLA 9 anentsütsü. Party-isa Assam Assembly dang Anti Defection Law kübok Himanta Biswa Sarma nem temerenshi agüjang ta mepishitsü lemtetogo.
Congress Party anema noktaker MLA tem rongnung Sarma ya lenir kümogo.
Tawa pai Congress MLA menden nungi malui BJP den denogo.
Assam Chief Minister Tarun Gogoi-i Congress tatong Tir Rahul Gandhi aser Assam nung Congress tongti lenir Anjan Datta na ajuruba sülen item telemtetba agiogo.
August 30, 2015 nü Assam Congress-i Biswa Sarma pusemba aser Congress anema sangdong agütsüba asoshi Congress MLA pezü tashi anentsüogo.
Congress MLA pezü- Jayanta Malla Baruah, Pijush Hazarika, Pradan Baruah aser Pallab Lochan Das nungeri Sarma agizüktsü atema Lokapriya Gopinath Bordoloi International Airport-i ao aser yangji Congress anema sangdong agütsü. Tanüngba MLA pongu jagibo Sarma dang ajuru saka party anemabo mejembibayong showcase notice dang agütsü.
Taruba Assam Assembly election atema party nüboyim sentong aser manifesto asoshi senden amendang Sarma den adener MLA ajak party nungi anentsütsü lemteta liasü.
Party anema noktakertem BJP den adenba dak sentakba tasüngdangba ka langzüdang Chief Mminister Gogoi-i, Communal party nung dennertem indang pai jembitsü kecha mali, ta ashi.