Tuensang DC aser DEO-i LS election atema sangdonger

Dimapur, Monupii/May 02 (TYO): Deputy Commissioner & District Election Officer, Tuensang, L. Jamithung Lotha-i Nagaland Parliamentary Constituency bye-election tesünep nung takok ngua agitettsü atema department balala nungi ketdangseretm aser staff tem nem mapa balala lemzüktsüogo, ta ketdangsertem osang ka ajanga metetdaktsü.
Election metembang tashi mapa lemzükja aliba ketdangsertem aser staff tem ajaki Commission-i lateta aliba kübok inyaktsüla; mapa ajakji mapang shidak nung tembanga inyaktsüla, ta paisa metetdaktsü.