Assam nung Islamic State North East wakotem asong

Guwahati, Monupii (May) 2 (Agencies): Rasemnü (Bodbar) anepdang Assam kübok Golalpara nung ‘IS-NE’ ta züluba wako tanak trok tashi songa aliba angu. Mejangjatetba nisungtemi wakotemji Town police outpost anasa songa toktsü.
Tanep parnok morning walk aodang wakotem songa aliba angu aser idangjisa police nem osang sangoktsü, ta iba temeket alir kati ashi.
Wako tanaktem nungji IS NE ta züluba den Arabic oshi agia zülua liasü. IS NE ta asübaji Islamic State North East tatsü agi züluba alitsü akok. Ajisüaka, shirnoki wakotem songa yutsü’ar mejangjateter.
“Wakotemji replica flags dang liasü aser teka agi yanglu süngdong o yindongtem nung songa yuja liasü. Tang tashi nungbo Goalpara nung IS NE aliba osang kecha mali. Nisung kari iba tesem nung alirtem tsübudaktsütsü atema iba mapa ya inyak asütsü südi” ta SP Amitabh Sinha-i osangbener dang ashi.