Akhoya nung LKM alitsü

Dimapur, May 03 (TYO) : Langpangkong Kaketshir Mongdang (LKM) 32 buba lokti senden aser saisapong sentong Akhoya nung taruba 2019 küm Aenjeti/January ita nung alitsü atema sentongtem renem tenzükogo.
Iba LKM lokti senden aser saisapong dak aketba maparentem lemteta inyaka aotsü atema LKM Akhoya Local Planning Committee senden ka May 5, 2018 anüngdang 12:00 ako nung Akhoya Shisaluyimer Telongjem kaketnang (Library) kidang alitsü ta mendenpurtemi metetdaktsüogo.
Anungji, iba senden nung LKM Akhoya Local Planning Committee kübok shimteta aliba Sub-Committee shia nung Convener-i anir züngsem ajak arua dendaktsüner ta mendenpurtemisa mepishia metetdaktsüogo.