LS bye election atema sangdonger

Kohima, Monupii/May 03 (TYO): Tanü ketdangsertemi 1-Nagaland Parliamentary Constituency bye election agitsü atema sentong tarensen metetdaktsüogo.
Bye election atema nomination papers ji candidate mesüra pa indang proposer mashie kati Commissioner, Nagaland aser Returning Officer mesüra Limanenla, Additional Deputy Commissioner, Headquarter, Office of the Commissioner, Nagaland aser Assistant Returning Officer nem Commissioner office, Nagaland conference hall first floor nung Monupii (May) 10, 2018 tashi nungbo anüngdang 11:00 ako nungi nikongdang 3:00 ako tashi nung agutsütsüla, ta ketdangsertemi metetdaktsü.
Nomination paper form ji temalen shia aliba tesem aser anogo mapangtem nung angutsü; nomination papers ji Commissioner office nung Monupii (May) 11, 2018 anüngdang 11:00 ako nung reprangshitsü, ta kasa osang ajanga metetdaktsü.
Candidate temi tenüng agientsü atema candidate mesüra pa indang proposer mashie kati mesüra pa indang election agent-i temalen shia aliba ketdangser nem Monupii 14, 2018 nikongdang 3:00 ako tashi nungbo kasa office nung agutsütsüla, ta ketdangsertemisa metetdaktsü.
Bye election ji Monupii 28 nü anepdang 7:00 nungi nikongdang 4:00 ako tsüngda agitsü, ta kasa osang ajanga metetdaktsü.