Zebronics ‘Jive’ 2.0 bookshelf wireless speakers sayaogo

Monupii 04, 2018 (Agencies): IT (Information Technology) peripherals yangluba company, Zebronics-i ‘Jive’ ta nüngja agütsüba 2.0 wireless bookshelf speakers sayaogo. Speaker anaprong nung built-in battery aser tamshirtemi pei pei aginüba ama tanga 2.0 speaker tem nung atongtepa mesüra speaker ana ya portable speaker ama benshitsüsa, abilen aser achiji speaker tsüngda wireless connection ka keta aliba angutsü.
Iba bookshelf speaker ya ergonomic design aser matte-black sentsü nung yanglutsüogo. Speaker ya ‘connected mode’ mapang second ana tashi play button nung nemet nung ‘individual setting’ mesüra ‘paired setting’ nung kentem angatettsü. ‘Paired mode’ nung speaker anaprong atema tamshirtemi smartphone ajanga connect süa aser speaker ana ya balala benshitetter. ‘Individual mode’ nung tamshirtemi speaker anaprongla wireless speaker ama bendanga benshitetter.
Iba speaker nung 5W+5W RMS indang output den külemi built-in rechargeable battery inoksema yanglutsüogo. Battery tashi yagi ghonda 8 tashi back up agütsür. Connectivity nung iba speaker yagi bluetooth den külemi AUX (Auxilary) cable support asütsü. Zebronics indang 2.0 wireless Jive speakers ya sentsü tanak nung sen 4,499 agi angutsü.