Kübuo-i mejemba sangro kaket küma adoktsütsü: Javed Akhtar

New Delhi, September 03 (Agencies): Nungtugu ken aser kaket zülur, Javed Akhtar-i tebuo, Muztar Khairabadi-i mejemba sangro kaket küma adoktsü sentong renemba osang ka metetdaktsüogo.

“Küm 10 tejaklen nungi tenzüka kübuo-i mejemba sangro bendentsü tenzük aser iba maparen inyaka arudang, kentener aikati atenba ‘Na kisi ki ankh ka noor hu, naa kisi ke dil ka qaraar hu’ ken kübou-i mejemba sangro ken küma atenba osang meteta aküm. Iba jakdangbo kenji shibai mejem iba osang mejangjateti aru,” ta pai ashi.

“Tanü putu nung alirtemi Urdu oshi memeteti akümtsü tenzükogo. Urdu oshiji tanü tashi mesamai lir saka Urdu zülujang samatsü tenzüka lir. Tanü lanurtemi Urdu oshi jembir, Urdu ken angar aser ‘Devnagri’ mesüra ‘Roman’ zülungang nung meyipzükba Urdu kaket azünger,” ta pai shisem.

Paisa ashiba agi, Urdu dang masü saka Hindi, Gujarati aser Pungjabi oshitem kasa jenjang nung benshiba kuli nguteta lir.

Ano külen, Akhtar-i pasasa mejemba sangro kaket tasen ka tawa sayaba osang jangjaogo.