Samsung indang 16MP camera sensor sangdongogo

Rongchii 05, 2018 (Agencies): Advanced semiconductor technology yangluba nung tongti, Samsung Electronics-i 16-megapixel (Megapixel) ISOCELL Slim 3P9 image sensor ka den külemi Plug & Play solution ka introduce süogo. Device ya ISOCELL image sensor agi yangluba pre-optimized turnkey camera module ka asütsü.
“Samsung indang ISOCELL image sensors yagi mobile device tem nung ‘innovative imaging experiences’ agütsüsa technology tapu balala nung amshitsüsa maongka tajung ka agütsür,” ta Samsung Electronics, tatong tir, Ben K. Hur-i ashi.
“ISOCELL Plug aser Play solution ajanga technology yangluba company tem atema (product ka ayoktsü merenem tashi mapang agiba) ‘time-to-market’ ajemdaktsütsüsa teyari aser tamshirtem ajak nem ‘quality-assured camera solution’ agütsür.”
Samsung ISOCELL Slim 3P9 nung 1.0?m (Micrometre) 16Mp image sensor den Tetracell technology inoka yanglutsüogo. Iba technology ajanga tanü tensa sleek design smartphone tem nung bright aser vivid picture tem agütsür. Tetracell technology ajanga pixel pezü tashi külemi benshitetter. Smartphone tejaklen camera nung 3P9 yagi 2.0?m (micrometre) image sensor ka ama function sütettetsü aser tesangwa peria malidak noksatem jangjajangja tesangwa nung tangoktettsü.
Camera nung auto-focusing karatsü atema, 3P9 yagi tanga devise tem nung pulua benshiba ‘PDAF sensors’ mamshi ‘advanced phase detection auto-focus’ (PDAF) ‘den doubled auto-focus agent density’ teyari agir. Iba den bendenloka, iba sensor yagi noksa aser video tem agiba mapang ‘gyro-synchronizer’ ka ajanga frame exposure syncs nungi sensor den device indang gyroscope-i data tem transfer asüba stabilize sütsür.