John Legend-i 2018 Billboard Music Awards nung shilem agitsü

Monupii/May 05, 2018: 2018 Billboard Music Awards agutsütsü atema hopta ana shi dang lia iba award sentong nung kentena shilem agitsüpur kentener tenüng kar sangdongogo, aser parnok rongnung John Legend aser Kelly Clarkson na densema lir.
Monupii/May 20, 2018 nü MGM Grand Garden Arena, Las Vegas yimti nung Billboard Music Awards sentong agitsü .
Billboard Music Awards nung Clarkson-i shilem ana agitsü, kechiyong taküm iba sentong ya lai ketdangsüa agitsü ta tamalen sangdonga liasü.
Billboard Hot 100 chart nung la indang ken 23 densema liasü aser item rongnung ken 11 bo 10 nung aden aser ken asem- “Stronger (What Doesn’t Kill You),” “My Life Would Suck Without You,” aser “A Moment Like This” kentemnibo mezüngbuba jenjang tashi tongteta liasü.
Ano John Legend-ia maneni Billboard Music Awards nung shilem agitsü. Yaküm Billboard Music Awards sentong nunga pai “Surefire” ken ajanga shilem agi.
Arishi küm 39 kentener, Legend indang ken 15 tashi Billboard Hot 100 hits nung densema liasü. tamalen pa indang ken “All of Me” agiba iba charts nung mezüngbuba jenjanga ngutetogo, iba denji külemi iba ken ajanga top radio song award aser top streaming song awards-a ngua liasü.
Billboard Music Awards sentong nungsa Ariana Grande, BTS, Camila Cabello, Shawn Mendes aser Dua Lipa nungeria shilem agitsü.
Taküm Billboard Music Awards nung nomination timtibaji Ed Sheeran, Bruno Mars aser Pulitzer Prize award angur, Kendrick Lamar nunger shia nominations 15 lir.