Rotary Club of Dmr-i flagship mapa inyak

Dimapur, Monupii/May 05 (TYO): Rotary Club of Dimapur-i Rotary India Literacy Mission indang flagship Program kübok Govt. Middle School Veterinary Colony agi Happy School kümtsüogo, ta tanü Rotary Club of Dimapur Tir, Rtn Vijay Sharma-i sangdong ka ajanga metetdaktsü.
Rotary Club-i iba school nung arrtsü jara aser tongti süngküm yanglutsüba den metsümeshidak atema ‘running water facility’, teka metsükba station aser tzü tajemtzü filter Facility agutsü.
Tongti tejaoker RILM national züngsem, PDG Chandu Agarwal-i iba school agi Happy School kümja semzüktsü. Iba sentong nung tesayurtem, kaketshirtem, CLCC RTN Sanjay Jain aser Rotary club züngsemtem dena liasü.
Iba dak alia school kaketshirtem nem tsüngsem, moja aser saisapong oset balala lemja liasü.
RILM task force kübok Rotary International-i sorkar school 2,000 dak tema Happy School kümtsüogo.
Kaketshirtem school züngtur anenadokba ajema akumtsü aser kaketshirtem school-i aotsü jangradaktsütsü nükjidong nung Ratary club-i item mapa ya inyaker, ta sangdong nungsa shia lir.