Naga Heritage Studies textbooks amshitsü

Dimapur, Monupii (May) 5 (TYO): Nagaland nung language policy mapa küma inyaktsü aser Naga oshitem ajungkettsü atema sorkar aser nija school ajak nung 2018 academic session nungi Naga Heritage Studies textbooks amshitsü, ta Principal Secretary, School Education & SCERT, Menukhol John-i metetdaktsü.
Class I nungi textbook tem amshitsü aser 2019 küm nungi school ajak nung Class 6 nungi 8 tashi nung Alt. English agientsü atema mapa tenzüktsü, ta paisa ashi.
Jilatem nungbo local oshitem den külemi English oshi nung Naga Heritage Studies amshitsü aser ibaji non-local kaketshirtem (local tesem nungi masüba kaketshirtem) atema asütsü, ta Menukhol John-isa shisem.
Chairman, NBSE, Nagaland-i NBSE nung züngsema aliba Higher Secondary aser High School ajak nung iba dak sendakba osang bendentsü aser aibelenba school tem merenshitsü atema tenüngtem agütsütsü mepishir, ta paisa metetdaktsü.