Kvitova-i Prague title kokogo

Monupii 05, 2018 (Agencies): WTA (Women’s Tennis Association) Prague Open asayamung tetsür final Küptoknü (Saturday) asaya nung Czech Republic tsür Petra Kvitova-i Romania tsür Mihaela Buzarnescu den mezüng set nung 4-6 agi tamakok ngua tanüngba set ana nung 6-2, 6-3 agi koka taküm lai asaya aruba nung title asembuba koktetogo.
Iba asaya mezüng set nung seed tanabuba nung alila, Kvitova-i kanga junga asaya tenzük aser point 4-1 agi tejakdang liasü saka Michaela-i meyiba la amokbanga asaya game pungo tashi nung takok ngua set koktetta liasü.
Tanabuba set nung Kvitova-i tajungtiba nung meranga asaya lai Michaela indang serve asemben tashi break süja takok angu.
Wimbledon asayamung nung anaben tashi takok angula, Kvitova teka nung timtem aliba ajanga 2017 Prague asayamung nung shilem magitetti liasü aser taküm kasa asayamung nung lai mezüng asayaba nung kanga dang süngjema asaya takok ngutetogo.
Hobart International asayamung final asaya nung Belgium tsür Elise Mertens den Buzarnescu-i tamakok ngur sülen tan WTA final nung tamakok anguba ya la atema tanabuba lir.