Nagaland nung tzümetsüng timtem ajurutsü akok

Dimapur, Monupii (May) 7 (TYO): Tesüiba anogo ishika tzünglu kanga aruba ajanga Nagaland kübok Dimapur, Tizit aser Tuli nung tzümetsüng timtem ajurutsü akok aser ayongküm nungi ali anenzüka aotsü ta NSDMA-i metetdaktsü.
Rongdak mapang yaritepba line department ajak aser District Disaster Management Authorities (DDMAs) aser State Disaster Response Force (SDRFs) temi jeretpera alitsü mepishir, ta Secretary to the Govt. of Nagaland, Rovilato Mor, IAS-i ashi.
State ajungalen tzünglu arutsü aser mopung tesashi aontsü ta weather forecast ajanga ashir anungji DDMA ajak renema atatsü metetdaktsür, ta Rovilato Mor-isa shisem.