Sepaitemi Arunachal nung telungpur ana apu

Dimapur, Monupii 08 (TYO): Arunachal Pradesh nung aliba Changlang district kübok Mulong yimtsüng nung NSCN (K) telok aser over ground workers (OGW) lir ta osang angashia Dao Division kübok Changlang Battalion den police temi Monupii/May 6, 2018 nü iba yimtsüng mita bushiba mapang NSCN (K) nung züngsem ana apu. Tena ya Jokob yimtsüng (Myanmar) nung alir arishi küm 29 tain, Kumsai Munwa aser Pangsong district (Myanmar) kübok Kakhuve yimtsüng nung alir arishi küm 25 tain, Khemoth Ketnag na liasü. Maneni sepaitemi Changlang district kübok Nalim yimtsüng nungi arishi küm 40 tain aser NSCN (K) indang over ground worker, Noksham Tuche apu, ta PRO (Defence), Col C Konwer-i sangdong ka nung metetdaktsü. Iba tesem nung sepaitemi Improvised Explosive Device (IED) ka, IED Activator den controller, IED detonator pezü, mobile ka den SIM card ka aser telungpur indang video aliba memory card ka ngutet, ta kasa sangdong ajangasa metetdaktsü.