Dimapur police-i ozüng nung aibelenertem apu

Dimapur, Monupii 10 (TYO): Ozüng alema Brown Sugar amshiba osang angashia Monupii/May 10, 2018 nü Dimapur police temi Signal Evening Bazar, Lhomithi Colony nung aliba Alhing Singson’er ki mita bushiba mapang sen 4,20,000 (market value) jenjang brown sugar box 20 (1700 grams approx.) ngutet. Iba sülen la ya apu aser ken o züluoka asüngdangya südagi, ta Addl. Dy. Commissioner of Police (Crime)/ PRO, Dimapur, Nagaland ajanga sangdong ka nung metetdaktsü.
Maneni Monupii/May 10, 2018 anepdang 6:30 ako meta NRL Petrol Pump anasa Darogapathar, Dimapur nung Truck dirver/Sand dealer dang ozüng alema sen sarua aliba nisung ana Dimapur police-i apu aser iba nisung ana ya Suruhuto Town nung alir Vixushe Achumi’er jabaso aser tang Purana Bazar, Dimapur nung telidak SS. Kughato (SO) NSCN (U) aser Tichipami yimtsüng, PO/PS Suruhuto nung alir Lhokishe Aye’er jabaso aser tang Purana Bazar, Dimapur nung telidak arishi küm 38 tain, Ahehuto Aye ta jangjaogo. Tena ket nungi demand slip coupon eshika ngutet. Iba maparen nung ken o züluoka bushisüngdang südagi ta kasa sangdong ajanga sa ashi.
Maneni DMC office anasa Auto Rickshaw ka rakzüka bener ao ta osang ka Monupii/May 10, 2018 nü angashiba sülen Dimapur police temi mita bushia Auto Rickshaw Regd No. NL07F-0058 ya Baliajan, Assam nung ngutet, ta Addl. Dy. Commissioner of Police (Crime)/PRO, Dimapur, Nagaland ajangasa metetdaktsü. Iba mapa tamajung inyakba maparen nung ajemdaker ken o ka züluoka aibelener aputsü asoshi bushisüngdang südagi, ta kasa sangdong ajanga metetdaktsü.