Trump-i video ajanga dang jembitsü

Washington, United States, Monupii 12 (Agencies) : Tan taruba Tentonüji Yirusalem yimti nung sentong ka ayongzüka ‘American embassy’ lapoktsü renema lir.

Iba sentong nung pa medentetaka US Tir, Donald Trump-i US aser Israel naprong nungi teshimtet lenir parnok noklang ti shi den video ajanga jembitsü, ta US ambassador-i metetdaktsüogo.

Trump-i sentong tagidak nung ‘live videolink’ ajanga asü pre-recorded ajanga jembitsüar osangbenertemi asüngdangba mapang Ambassador David Friedman-i telangzüba tejangja magütsü.

Ambassador-isa ashiba agi, Tel Aviv mission nung aliba staff-temi idakji par embassy ka ama tesüsaba anogo süitemdaktsüogo.

Ano karbo Hombar anepdang nungi Yirusalem yimti nung aliba embassy nungji mapa inyaktsü aser tatsüka li rnikongdang iba embassy lapokba sentongji agitsü.