Kohima DC & DEO-i Polling training atema sangdonger

Kohima, Monupii/May 12 (TYO): Kohima DC aser DEO, Rajesh Soundararajan, IAS-i sangdong ka ajanga, taruba Nagaland Parliamentary Constituency 2018 election atema mapa lemzükja aliba sorkar mapa inyakertem- Presiding Officer(s), 1st Polling Officer(s), 2nd Polling Officer(s), 3rd Polling Officer(s) aser Additional Polling Officer(s) for VVPAT dang polling atema training nung adentsü metetdaktsüogo.
Polling atema training ji Monupii/May 14 nungi Kohima College nung anepdang 10:30 ako nungi agitsü.
Training sentongji yamai alitsü: Presiding Officer(s), 1st Polling Officer(s) aser Additional Polling Officer(s) for VVPAT atema mezüngbuba round training ji Monupii 14, 2018 nü agitsü aser 2nd den 3rd Polling Officer(s) atema Monupii 15, 2018 nü agitsü.
Presiding Officer(s), 1st, 2nd aser 3rd Polling Officer(s) aser Additional Polling Officer(s) for VVPAT atema tanabuba round training ji Monupii 19, 2018 nü agitsü.
Tasembuba round training ji Presiding Officer(s), 1st Polling Officer(s) aser Additional Polling Officer(s) for VVPAT atema Monupii 22, 2018 nü agitsü aser 2nd den 3rd Polling Officer(s) atema Monupii 23, 2018 nü agitsü.
DC& DEO Kohima-i election duty lemzükja aliba polling personnel(s) dang item training nung medema adentsü metetdaktsüogo; training nung madenertem Representation of the People’s Act 1950 & Conduct of Election Rules 1961 nung ajemdaker merenshitsü.
Iba dak alia Medical Ground nung ajemdaker Election duty melemzüktsürtem dang Monupii/May 16, 2018 anepdang 10:00 ako nung Naga Hospital Authority Kohima (NHAK)-i arua Medical Board ajurutsü metetdaktsüogo; Monupii 16, 2018 sülenbo application kecha magizüktsü, ta sangdong nungsa shia lir.