Karnataka Assembly election nung 70%-i vote agütsü

Bengaluru, Monupii (May) 12 (Agencies): Monupii (May) 12, 2018 nü Karnataka Assembly election nung vote agütsür 70% shi kati shilem agiogo ta Election Commission-i osang metetdaktsü.
2013 küm Karnataka Assembly election nung vote agütsür ajak agi 71.4% liasü aser polling station kar nungbo taonung 6:00 ako süia tashi nisungtem ano vote magütsü tarensena noktaktepa liasü. Iba jagi vote agütsür shilem teimba asütsü akok ta EC-isa ashi.
Assembly menden 224 nungi tanü menden 222 atema election agi aser taküm tetoktepba ya Congress, BJP aser JD(S) telok asem tsüngda tongti süa tokteper.
Candidate 2,600 dak temai menden balala nungi toktep aser parnok rongnung tebur 2400 aser tetsür 200 dak tema lir.
Karnataka state nung vote agütsür nisung 5,06,90,538 lir. Tebur 2,56,75,579, tetsür 2,50,09,904 aser transgender voters 5,055 lir.
Tanü agiba election indang vote ji Monupii (May) 15, 2018 nü azüngtsü.
Bengaluru nung aliba R.R. Nagar constituency nungi voter ID cards 9,000 dak tema anguba ajanga iba menden asoshi tanü election magitsü. Külen Jayanagar constituency nunga nung BJP candidate aser MLA teinyakdak Vijay Kumar ajungbena asüba ajanga tanü election magi.
Taküm election ya BJP aser Congress tsüngda kanga anasatepa tokteper aser exit poll aikati ‘hung assembly’ asütsü aser taruba sorkar akümba nung JD(S)-i tongti shilem agitsü ta bushitetba osang metetdaktsüogo.
Karnataka nung party kati sorkar akümtsü atema menden 112 nüngdaker.
Republic TV-Jan Ki Baat aser ABP-C Voter nati agiba exit polls ajanga BJP-i menden 95-114 aser 97-109 angutsü ta ashir. Parnoki Congress-i menden 73-82 aser 87-99 aser JD(S)-i menden 32-43 aser 21-30 angutsü ta ashir.
Ajisüaka, Times Now-VMR aser India Today-Axis My India temi Congress-i menden teimba angutsü ta ashir. Congress-i menden 90-103 aser 106-118 aser BJP-i menden 90-103 aser 106-118 angutsü ta parnoki ashir.
India Today-i vote share asadangba nung Congress-i 39% aser BJP-i 35% angutsü ta ashir. Ajisüaka, news channel temi parnok bushitetba osang meyipa reprangshir kechiyong taonung nikongdang tashi nung osang maneni arur.