Madrid Open semi-final tongteter rongnung Shapovalov tanubusang kümogo

Madrid, Monupii 12 (Agencies): Madrid Open asayamung tebur kija Rogonü (Friday) tennis quarter-final asaya nung Canada nunger Denis Shapovalov-i Britain nunger Kyle Edmund madak 7-5, 6-7 (6/8) 6-4 agi takok ngua Masters semi-finals tongtetter rongnung Denis tanubusang kümogo.
Arishi küm 19 tain Shapovalov ya ATP (Association of Tennis Professional) Tour asayamung nung asayar tajung ka ama züngshir. Iba asaya mapang world ranking 43 nung alisang, Denis-i 29ben koka pai Edmund ajangtetta takok ngua liasü. Aenjeti/January Australian Open asayamung nung Edmund-i semi-final tashi tonga asayaogo.
Taoba mapang tongtibang asayamung nung Shapovalov-i clay-court match ka nung danga koka mali, saka iba asayamung nung pai kanga junga asaya arudar. Denis-i Germany nunger Alexander Zverev den semi-final asayatsü jangjaogo.
Kasa asayamung tebur kija quarter-final asaya nung Germany nunger Alexander Zverev-i America nunger John Isner madak 6-4, 7-5 agi kokogo. Tebur semi final asaya tanga ka nung Austria nunger Dominic Thiem-i South Africa nunger Kevin Anderson madak 6-4, 6-2 agi takok nguogo.