Stallions temi 10buba Open Basketball Tournament kokogo

Kohima, Monupii 12 (TYO): Local Ground, Kohima nung Suncity, Kohima den longjemer Nagaland Basketball Asociation ajanga ayongba 10buba Open Basketball Tournament Stallions temi kokogo.
Iba asayamung final nung Stallions teloki The Mystic Ballers (TMB) ya 77-55 agi akok.
Iba asayamung akokba ajanga Stallions teloki senpet sen 60,000 den trophy aser kulikaket angu. Tanabuba jenjang nung TMB teloki senpet sen 30,000 den trophy aser kulikaket angu. Kasa asayamung semi-final nung tsüker Cretan’ Bulls aser Taurus telok shia nem senpet sen 10,000 agütsü aser asayamung nung Most Valuable Player senpet ya Stallions nungi Seyievizo Kire nem sen 10,000 agütsü.
Iba asayamung nung takoker nem 5 Sector Assam Rifles indang DIG, Brig. Sandeep S. Sharda aser Issac Kario nati senpet ya lema agütsü.